’’මහණෙනි, මේ යථාසන්ථනික වූවාහු පස් දෙනෙක් වෙත්.

’’කවර පස් දෙනෙක්ද යත්? නුවණ මඳ බැවින්, ඉතා මුළා බැවින්, යථාසන්ථනික වූවෙක් වේ. ලාමක ආසා ඇත්තේ, ආසාවෙන් මඩනා ලද්දේ යථාසන්ථනික වූවෙක් වේ. උමතු බැවින්, චිත්ත වික්‍ෂෙපයෙන් යථාසන්ථනික වූවෙක් වේ. බුදුවරයන් විසින් බුද්‍ධ ශ්‍රාවකයන් විසින් වර්‍ණනා කරණ ලදැයි යථාසන්ථනික වූවෙක් වේ. මද ආසා ඇති බවම නිසා, සතුට ඇති බවම නිසා, සැහැල්ලු බවම නිසා, උතුම් විවේකයම නිසා, යථාසන්ථනික වූවෙක් වේ. යන පස් දෙනයි.

’’මහණෙනි, මේ යථාසන්ථනික වූවාහු පස් දෙනෙක් වෙත්.

’’මහණෙනි, යථාසන්ථනික වූවාවූ මේ පස් දෙනාගෙන් වනාහි යම් මේ යථාසන්ථනික වූවෙක් තෙම අල්පෙච්ඡ බවම නිසා, සන්තුෂ්ටියම නිසා, සැහැල්ලු බවම නිසා, උතුම් විවේකයම නිසා, මෙයම අර්ත්‍ථ කොට ඇති බවම නිසා යථාසන්ථනික වූවෙක් වේද, මෙතෙම යථාසන්ථනික වූවාවූ පස් දෙනා අතුරෙන් අග්‍රවූවෙක්ද, ශ්‍රෙෂට වූවෙක්ද, ප්‍රධාන වූවෙක්ද, උතුම් වූවෙක්ද, අධිපති වූවෙක්ද වේ.

’’මහණෙනි, යම්සේ දෙනගෙන් කිරිද, කිරෙන් දී ද, දී වලින් වෙඬරුද. වෙඬරුවෙන් ගිතෙල්ද, ගිතෙලින් ගිතෙල් මණ්ඩයතෙම එහි අග්‍රයයි කියනු ලැබේද, මහණෙනි, මෙපරිද්දෙන්ම මහණෙනි, යථාසන්ථනික වූවාවූ මේ පස් දෙනාගෙන් වනාහි යම් මේ යථාසන්ථනික වූවෙක් තෙම අල්පෙච්ඡ බවම නිසා, සන්තුෂ්ටියම නිසා, සැහැල්ලු බවම නිසා, උතුම් විවේකයම නිසා, මෙයම අර්ත්‍ථ කොට ඇති බවම නිසා යථාසන්ථනික වූවෙක් වේද, මෙතෙම යථාසන්ථනික වූවාවූ පස් දෙනා අතුරෙන් අග්‍රවූවෙක්ද, ශ්‍රෙෂට වූවෙක්ද, ප්‍රධාන වූවෙක්ද, උතුම් වූවෙක්ද, අධිපති වූවෙක්ද වේ.