“Pañcimāni, bhikkhave, kāladānāni. Katamāni pañca? Āgantukassa dānaṁ deti; gamikassa dānaṁ deti; gilānassa dānaṁ deti; dubbhikkhe dānaṁ deti; yāni tāni navasassāni navaphalāni tāni paṭhamaṁ sīlavantesu patiṭṭhāpeti. Imāni kho, bhikkhave, pañca kāladānānīti.

Kāle dadanti sappaññā,
vadaññū vītamaccharā;
Kālena dinnaṁ ariyesu,
ujubhūtesu tādisu.
Vippasannamanā tassa,
vipulā hoti dakkhiṇā;
Ye tattha anumodanti,
veyyāvaccaṁ karonti vā;
Na tena dakkhiṇā ūnā,
tepi puññassa bhāgino.
Tasmā dade appaṭivānacitto,
Yattha dinnaṁ mahapphalaṁ;
Puññāni paralokasmiṁ,
Patiṭṭhā honti pāṇinan”ti.

Chaṭṭhaṁ.

The Numbered Discourses

|_【5】 The Book of the Fives

|__A. The First Fifty

|___IV. The Chapter with Sumanā

AN5.36 Kāladānasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]