ಇಬ್ಬರು ಪರಿವ್ರಾಜಕರ ವಿಷಯ

ದೀಘನಿಕಾಯದಲ್ಲಿ ಇದೊಂದು ವೈಶಿಷ್ಟ್ಯ ಪೂರ್ಣವಾದ ಸುತ್ತ. ಹಿಂದಿನ ಸುತ್ತವಾದ ‘ಮಹಾಲಿ ಸುತ್ತ’ದ 8 ಮತ್ತು 9 ನೆಯ ಪ್ಯಾರಗಳೇ ಈ ಸುತ್ತವಾಗಿದೆ. ಮಹಾಲಿ ಸುತ್ತದ ಕೇವಲ ಒಂದು ಭಾಗವಾದ ಈ ಸುತ್ತಕ್ಕೆ ಪ್ರತ್ಯೇಕತೆ ಏಕೆ ಬಂದಿದೆ ಎಂಬುದು ಒಂದು ಸಮಸ್ಯೆಯಾಗಿದೆ. ಸುತ್ತ ಪಿಟಕದ ಸುತ್ತಗಳು ಸಾಮಾನ್ಯವಾಗಿ ಆರಂಭವಾಗುವಂತೆ, (ಏವಂ ಮೇ ಸುತಂ) ಎಂಬ ಮಾತುಗಳಿಂದ ಈ ಸುತ್ತ ಆರಂಭವಾಗುವುದಿಲ್ಲ. ಈ ಮೂರು ಮಾತುಗಳನ್ನು ಬಿಟ್ಟರೆ. ಈ ಸುತ್ತದ ಮೊದಲನೆಯ ಪ್ಯಾರ ಬೇರೆ ಸುತ್ತ ಮಾತುಗಳನ್ನು ಬಿಟ್ಟಿದೆ. ಈ ಸುತ್ತದ ಮೊದಲನೆಯ ಪ್ಯಾರ ಬೇರೆ ಸುತ್ತಗಳಂತೆ ಭಗವಾನರು ಯಾರಿಗೆ, ಎಲ್ಲಿ ಮತ್ತು ಯಾವ ಸಂದರ್ಭದಲ್ಲಿ ಇದನ್ನು ಬೋಧಿಸಿದರು ಎಂಬುದರ ವಿವರಣೆಯನ್ನೊಳಗೊಂಡಿದೆ. ಈ ಕಾರಣದಿಂದ ಇದೊಂದು ಪ್ರತ್ಯೇಕ ಸುತ್ತವೆಂದು ಒಪ್ಪಿಕೊಂಡು ಬಿಟ್ಟರೆ ಮತ್ತೊಂದು ಪ್ರಶ್ನೆ ಎದುರಾಗುತ್ತದೆ. ಇದು ಪ್ರತ್ಯೇಕ ಸುತ್ತವೇ ಆಗಿದ್ದಲ್ಲಿ, ಮಹಾಲಿ ಸುತ್ತದ ಭಾಗವಾಗಿರಬೇಕಾಗಿರಲಿಲ್ಲ. ಹಾಗಾದರೆ ಮಹಾಲಿ ಸುತ್ತದಲ್ಲಿ ‘ಶೀಲ’ದ ಪ್ರಸ್ತಾಪವೇ ಬರುವುದಿಲ್ಲ: ಧೀಘ ನಿಕಾಯದ ಮೊದಲ ಸಂಪುಟದ 13 ಸುತ್ತಗಳು ಶೀಲಕ್ಖಂದ ವಗ್ಗಕ್ಕೆ ಸೇರಿವೆ. ಪ್ರತಿಯೊಂದು ಸುತ್ತದಲ್ಲಿಯೂ ಶೀಲದ ವಿವರಣೆ ಬರುತ್ತದೆ. ಆದುದರಿಂದ ಕೊನೆಯ 2 ಪ್ಯಾರಾಗಳನ್ನು ಬಿಟ್ಟು ಬಿಟ್ಟರೆ ಮಹಾಲಿ ಸುತ್ತವು ‘ಶೀಲಕ್ಖಂದ ವಗ್ಗ’ಕ್ಕೆ ಸೇರುವಂತೆಯೇ ಇಲ್ಲ. ಹೀಗಾಗಿ, ಮಹಾಲಿ ಸುತ್ತ ಮತ್ತು ಜಾಲಿಯ ಸುತ್ತ ಮೊದಲಿನಿಂದ ಬೇರೆ ಸುತ್ತಗಳಾಗಿಯೇ ಇದ್ದು ಅಮೇಲೆ ಒಂದೇ ಆದುವೇ? ಆಗ ಹಾಗಿದ್ದರೆ ‘ಶೀಲ’ವನ್ನೊಳಗೊಂಡಿಲ್ಲದೆ ಮಹಾಲಿಸುತ್ತ ತಿಪಿಟಕದ ಯಾವ ಭಾಗದಲ್ಲಿದ್ದಿತು? ಹಾಗಿಲ್ಲದೆ ಇವೆರಡೂ ಮೊದಲೇ ಒಂದು ಆಗಿದ್ದಲ್ಲಿ, ಏತಕ್ಕೆ ಯಾವ ಸಂದರ್ಭದಲ್ಲಿ ಎರಡಾದವು? ಎಂಬ ಪ್ರಶ್ನೆ ಉಳಿದುಕೊಂಡೇ ಬಿಡುತ್ತದೆ... ತಿಪಿಟಕಗಳ ಆಳವಾದ ಅಭ್ಯಾಸ ಪ್ರಾಯಶಃ ಈ ಸಮಸ್ಯೆಯ ಮೇಲೆ ಬೆಳಕು ಚೆಲ್ಲಬಹುದು.

ಸುತ್ತದ ಕೊನೆಯ ವಾಕ್ಯ ಮಾತ್ರ ಹಿಂದಿನ ಸುತ್ತದಕ್ಕಿಂತ ಬೇರೆಯಾಗಿದೆ. ಆದು ಹೀಗಿದೆ:

“ಭಗವಾನರು ಹೀಗೆ ಹೇಳಿದರು. ಅವರು ಹೇಳಿದುದ್ದನ್ನು ಕೇಳಿ ಸುಪ್ರೀತರಾದ ಆ ಇಬ್ಬರು ಪಬ್ಬಜಿತರು ಅವರಿಗೆ ಅಭಿನಂದಿಸಿದರು.”

ಜಾಲಿಯ ಸುತ್ತ ಇಲ್ಲಿಗೆ ಮುಗಿಯಿತು.

The Long Discourses

|_I. The Chapter on the Entire Spectrum of Ethics

DN7. ಜಾಲಿಯ ಸುತ್ತ

Translations [20]

English

繁體字

日本語

Deutsch

Português

Русский

Norsk

Srpski

עִבְרִית

हिंदी

ಕನ್ನಡ

বাংলা

Việt Ngữ

Bahasa Indonesia

සිංහල

ပြန်သွားရန်

ภาษาไทย

पाळिभासा (Pāli)

Reference