Vuttañhetaṁ bhagavatā vuttamarahatāti me sutaṁ:

“Ekadhammo, bhikkhave, bhāvito bahulīkato ubho atthe samadhigayha tiṭṭhati—diṭṭhadhammikañceva atthaṁ samparāyikañca. Katamo ekadhammo? Appamādo kusalesu dhammesu. Ayaṁ kho, bhikkhave, ekadhammo bhāvito bahulīkato ubho atthe samadhigayha tiṭṭhati—diṭṭhadhammikañceva atthaṁ samparāyikañcā”ti.

Etamatthaṁ bhagavā avoca. Tatthetaṁ iti vuccati:

“Appamādaṁ pasaṁsanti,
puññakiriyāsu paṇḍitā;
Appamatto ubho atthe,
adhigaṇhāti paṇḍito.
Diṭṭhe dhamme ca yo attho,
yo cattho samparāyiko;
Atthābhisamayā dhīro,
paṇḍitoti pavuccatī”ti.

Ayampi attho vutto bhagavatā, iti me sutanti.

Tatiyaṁ.

The Minor Discourses

|_【4】 So It Was Said

|__A. The Book Of Ones

|___III. Chapter Three

Iti23 Ubhayatthasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]