Vuttañhetaṁ bhagavatā vuttamarahatāti me sutaṁ:

“Yassa kassaci, bhikkhave, bhikkhussa vā bhikkhuniyā vā rāgo appahīno, doso appahīno, moho appahīno—ayaṁ vuccati, bhikkhave, ‘atiṇṇo samuddaṁ saūmiṁ savīciṁ sāvaṭṭaṁ sagahaṁ sarakkhasaṁ’. Yassa kassaci, bhikkhave, bhikkhussa vā bhikkhuniyā vā rāgo pahīno, doso pahīno, moho pahīno—ayaṁ vuccati, bhikkhave, ‘atari samuddaṁ saūmiṁ savīciṁ sāvaṭṭaṁ sagahaṁ sarakkhasaṁ, tiṇṇo pāraṅgato thale tiṭṭhati brāhmaṇo’”ti.

Etamatthaṁ bhagavā avoca. Tatthetaṁ iti vuccati:

“Yassa rāgo ca doso ca,
Avijjā ca virājitā;
Somaṁ samuddaṁ sagahaṁ sarakkhasaṁ,
Saūmibhayaṁ duttaraṁ accatāri.
Saṅgātigo maccujaho nirūpadhi,
Pahāsi dukkhaṁ apunabbhavāya;
Atthaṅgato so na pamāṇameti,
Amohayi maccurājanti brūmī”ti.

Ayampi attho vutto bhagavatā, iti me sutanti.

Dasamaṁ.

Dutiyo vaggo.

Tassuddānaṁ

Puññaṁ cakkhu atha indriyāni,
Addhā ca caritaṁ duve soci;
Muno atha rāgaduve,
Puna vaggamāhu dutiyamuttamanti.

The Minor Discourses

|_【4】 So It Was Said

|__C. The Book Of Threes

|___II. Chapter Two

Iti69 Dutiyarāgasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]