Sāvatthiyaṁ.

“Bhūtapubbaṁ, bhikkhave, sakkassa devānamindassa rahogatassa paṭisallīnassa evaṁ cetaso parivitakko udapādi: ‘yopi me assa supaccatthiko tassapāhaṁ na dubbheyyan’ti.

Atha kho, bhikkhave, vepacitti asurindo sakkassa devānamindassa cetasā cetoparivitakkamaññāya yena sakko devānamindo tenupasaṅkami.

Addasā kho, bhikkhave, sakko devānamindo vepacittiṁ asurindaṁ dūratova āgacchantaṁ. Disvāna vepacittiṁ asurindaṁ etadavoca: ‘tiṭṭha, vepacitti, gahitosī’ti.

‘Yadeva te, mārisa, pubbe cittaṁ, tadeva tvaṁ mā pajahāsī’ti.

‘Sapassu ca me, vepacitti, adubbhāyā’ti.

‘Yaṁ musā bhaṇato pāpaṁ,
Yaṁ pāpaṁ ariyūpavādino;
Mittadduno ca yaṁ pāpaṁ,
Yaṁ pāpaṁ akataññuno;
Tameva pāpaṁ phusatu,
Yo te dubbhe sujampatī’”ti.

The Linked Discourses

|_The Group of Linked Discourses With Verses

|__【11】SN11. Linked Discourses with Sakka

|___I. Chapter One

SN11.7 Nadubbhiyasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]