(මෙතැන් සිට මේ වර්ගයේ සියලුම සූත්‍රවල 1 ඡෙදය මේ වර්ගයේ 1 වෙනි සූත්‍රයේ මෙනි.)

“මහණෙනි, තොපට වරදවා පිළිපදින්නාද නිවැරදිව පිළිපදින්නාද දෙශනා කරන්නෙමි. එය අසව්. මහණෙනි, වරදවා පිළිපදින්නා නම් කවරෙක්ද? මහණෙනි, මේ ලෝකයෙහි ඇතමෙක් මිථ්‍යා දෘෂ්ටි ඇත්තේ වෙයිද? මිථ්‍යා සංකල්පය ඇත්තේවේද, මිථ්‍යා වචනය ඇත්තේවේද, මිථ්‍යා කර්මාන්තය ඇත්තේවේද, මිථ්‍යා ආජීවය ඇත්තේවේද, මිථ්‍යා ව්‍යායාමය, ඇත්තේවේද, මිථ්‍යා සතිය ඇත්තේවේද, මිථ්‍යා සමාධිය ඇත්තේවේද, මහණෙනි, මේතෙම වරදවා පිළිපදින්නාහුයයි කියනු ලැබේ.

“මහණෙනි, නිවැරැදිව පිළිපදින්නා නම් කවරෙක්ද? මහණෙනි, මේ ලෝකයෙහි ඇතැමෙක් සම්‍යක් දෘෂ්ටිය ඇත්තේවේද, සම්‍යක් සංකල්පය ඇත්තේවේද, සම්‍යක් වචනය ඇත්තේවේද, සම්‍යක් කර්මාන්තය ඇත්තේවේද, සම්‍යක් ආජීවය ඇත්තේවේද, සම්‍යක් ව්‍යායාමය ඇත්තේවේද, සම්‍යක් සතිය ඇත්තේවේද, සම්‍යක් සමාධිය ඇත්තේවේද? මහණෙනි, මේතෙම නිවැරැදිව පිළිපදින්නාහුයයි කියනු ලැබේයයි” වදාළසේක.