Sāvatthinidānaṁ.

Tena kho pana samayena paccanīkasāto nāma brāhmaṇo sāvatthiyaṁ paṭivasati.

Atha kho paccanīkasātassa brāhmaṇassa etadahosi: “yannūnāhaṁ yena samaṇo gotamo tenupasaṅkameyyaṁ. Yaṁ yadeva samaṇo gotamo bhāsissati taṁ tadevassāhaṁ paccanīkāssan”ti.

Tena kho pana samayena bhagavā abbhokāse caṅkamati.

Atha kho paccanīkasāto brāhmaṇo yena bhagavā tenupasaṅkami; upasaṅkamitvā bhagavantaṁ caṅkamantaṁ etadavoca: “bhaṇa samaṇadhamman”ti.

“Na paccanīkasātena,
suvijānaṁ subhāsitaṁ;
Upakkiliṭṭhacittena,
sārambhabahulena ca.
Yo ca vineyya sārambhaṁ,
appasādañca cetaso;
Āghātaṁ paṭinissajja,
sa ve jaññā subhāsitan”ti.

Evaṁ vutte, paccanīkasāto brāhmaṇo bhagavantaṁ etadavoca: “abhikkantaṁ, bho gotama, abhikkantaṁ, bho gotama …pe… upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.

The Linked Discourses

|_The Group of Linked Discourses With Verses

|__【7】SN7. Linked Discourses with Brahmins

|___II. The Chapter on a Lay Follower

SN7.16 Paccanīkasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]