Ekaṁ samayaṁ āyasmā vaṅgīso sāvatthiyaṁ viharati jetavane anāthapiṇḍikassa ārāme.

Tena kho pana samayena āyasmā vaṅgīso aciraarahattappatto hutvā vimuttisukhaṁ paṭisaṁvedī tāyaṁ velāyaṁ imā gāthāyo abhāsi:

“Kāveyyamattā vicarimha pubbe,
Gāmā gāmaṁ purā puraṁ;
Athaddasāma sambuddhaṁ,
Saddhā no upapajjatha.
So me dhammamadesesi,
khandhāyatanadhātuyo;
Tassāhaṁ dhammaṁ sutvāna,
pabbajiṁ anagāriyaṁ.
Bahunnaṁ vata atthāya,
bodhiṁ ajjhagamā muni;
Bhikkhūnaṁ bhikkhunīnañca,
ye niyāmagataddasā.
Svāgataṁ vata me āsi,
mama buddhassa santike;
Tisso vijjā anuppattā,
kataṁ buddhassa sāsanaṁ.
Pubbenivāsaṁ jānāmi,
Dibbacakkhuṁ visodhitaṁ;
Tevijjo iddhipattomhi,
Cetopariyāyakovido”ti.

Tassuddānaṁ

Nikkhantaṁ arati ceva,
pesalā atimaññanā;
Ānandena subhāsitā,
sāriputtapavāraṇā;
Parosahassaṁ koṇḍañño,
moggallānena gaggarā;
Vaṅgīsena dvādasāti.

VAṄGĪSASAṀYUTTAṀ SAMATTAṀ.

The Linked Discourses

|_The Group of Linked Discourses With Verses

|__【8】SN8. Linked Discourses With Vaṅgīsa

|___I. The Chapter with the Poet Vaṅgīsa

SN8.12 Vaṅgīsasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]