“Anāgataṁ yo paṭikacca passati,
Hitañca atthaṁ ahitañca taṁ dvayaṁ;
Viddesino tassa hitesino vā,
Randhaṁ na passanti samekkhamānā.
Ānāpānasatī yassa,
paripuṇṇā subhāvitā;
Anupubbaṁ paricitā,
yathā buddhena desitā;
Somaṁ lokaṁ pabhāseti,
abbhā muttova candimā.
Odātaṁ vata me cittaṁ,
appamāṇaṁ subhāvitaṁ;
Nibbiddhaṁ paggahītañca,
sabbā obhāsate disā.
Jīvate vāpi sappañño,
api vittaparikkhayo;
Paññāya ca alābhena,
vittavāpi na jīvati.
Paññā sutavinicchinī,
Paññā kittisilokavaddhanī;
Paññāsahito naro idha,
Api dukkhesu sukhāni vindati.
Nāyaṁ ajjatano dhammo,
nacchero napi abbhuto;
Yattha jāyetha mīyetha,
tattha kiṁ viya abbhutaṁ.
Anantaraṁ hi jātassa,
jīvitā maraṇaṁ dhuvaṁ;
Jātā jātā marantīdha,
evaṁdhammā hi pāṇino.
Na hetadatthāya matassa hoti,
Yaṁ jīvitatthaṁ paraporisānaṁ;
Matamhi ruṇṇaṁ na yaso na lokyaṁ,
Na vaṇṇitaṁ samaṇabrāhmaṇehi.
Cakkhuṁ sarīraṁ upahanti tena,
Nihīyati vaṇṇabalaṁ matī ca;
Ānandino tassa disā bhavanti,
Hitesino nāssa sukhī bhavanti.
Tasmā hi iccheyya kule vasante,
Medhāvino ceva bahussute ca;
Yesaṁ hi paññāvibhavena kiccaṁ,
Taranti nāvāya nadiṁva puṇṇan”ti.

… Mahākappino thero ….

The Minor Discourses

|_【8】 Verses of the Senior Monks

|__J. The Book Of The Tens

|___I. Chapter One

Thag10.3 Mahākappinattheragāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]