“Vātarogābhinīto tvaṁ,
viharaṁ kānane vane;
Paviṭṭhagocare lūkhe,
kathaṁ bhikkhu karissasi”.
“Pītisukhena vipulena,
pharamāno samussayaṁ;
Lūkhampi abhisambhonto,
viharissāmi kānane.
Bhāvento satipaṭṭhāne,
indriyāni balāni ca;
Bojjhaṅgāni ca bhāvento,
viharissāmi kānane.
Āraddhavīriye pahitatte,
Niccaṁ daḷhaparakkame;
Samagge sahite disvā,
Viharissāmi kānane.
Anussaranto sambuddhaṁ,
aggaṁ dantaṁ samāhitaṁ;
Atandito rattindivaṁ,
viharissāmi kānane”ti.

… Vakkalitthero ….

The Minor Discourses

|_【8】 Verses of the Senior Monks

|__E. The Book Of The Fives

|___I. Chapter One

Thag5.8 Vakkalittheragāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]