“Olaggessāmi te citta,
āṇidvāreva hatthinaṁ;
Na taṁ pāpe niyojessaṁ,
kāmajāla sarīraja.
Tvaṁ olaggo na gacchasi,
Dvāravivaraṁ gajova alabhanto;
Na ca cittakali punappunaṁ,
Pasakka pāparato carissasi.
Yathā kuñjaraṁ adantaṁ,
Navaggahamaṅkusaggaho;
Balavā āvatteti akāmaṁ,
Evaṁ āvattayissaṁ taṁ.
Yathā varahayadamakusalo,
Sārathi pavaro dameti ājaññaṁ;
Evaṁ damayissaṁ taṁ,
Patiṭṭhito pañcasu balesu.
Satiyā taṁ nibandhissaṁ,
Payutto te damessāmi;
Vīriyadhuraniggahito,
Na yito dūraṁ gamissase cittā”ti.

… Vijitaseno thero ….

The Minor Discourses

|_【8】 Verses of the Senior Monks

|__E. The Book Of The Fives

|___I. Chapter One

Thag5.9 Vijitasenattheragāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]