“Paṇṇavīsativassāni,
yato pabbajito ahaṁ;
Accharāsaṅghātamattampi,
cetosantimanajjhagaṁ.
Aladdhā cittassekaggaṁ,
kāmarāgena aṭṭito;
Bāhā paggayha kandanto,
vihārā upanikkhamiṁ.
Satthaṁ vā āharissāmi,
Ko attho jīvitena me;
Kathaṁ hi sikkhaṁ paccakkhaṁ,
Kālaṁ kubbetha mādiso.
Tadāhaṁ khuramādāya,
mañcakamhi upāvisiṁ;
Parinīto khuro āsi,
dhamaniṁ chettumattano.
Tato me manasīkāro,
yoniso udapajjatha;
Ādīnavo pāturahu,
nibbidā samatiṭṭhatha.
Tato cittaṁ vimucci me,
passa dhammasudhammataṁ;
Tisso vijjā anuppattā,
kataṁ buddhassa sāsanan”ti.

… Sappadāso thero ….

The Minor Discourses

|_【8】 Verses of the Senior Monks

|__F. The Book Of The Sixes

|___I. Chapter One

Thag6.6 Sappadāsattheragāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]