“Yadā paṭhamamaddakkhiṁ,
satthāramakutobhayaṁ;
Tato me ahu saṁvego,
passitvā purisuttamaṁ.
Siriṁ hatthehi pādehi,
yo paṇāmeyya āgataṁ;
Etādisaṁ so satthāraṁ,
ārādhetvā virādhaye.
Tadāhaṁ puttadārañca,
dhanadhaññañca chaḍḍayiṁ;
Kesamassūni chedetvā,
pabbajiṁ anagāriyaṁ.
Sikkhāsājīvasampanno,
indriyesu susaṁvuto;
Namassamāno sambuddhaṁ,
vihāsiṁ aparājito.
Tato me paṇidhī āsi,
cetaso abhipatthito;
Na nisīde muhuttampi,
taṇhāsalle anūhate.
Tassa mevaṁ viharato,
passa vīriyaparakkamaṁ;
Tisso vijjā anuppattā,
kataṁ buddhassa sāsanaṁ.
Pubbenivāsaṁ jānāmi,
dibbacakkhu visodhitaṁ;
Arahā dakkhiṇeyyomhi,
vippamutto nirūpadhi.
Tato ratyā vivasāne,
sūriyuggamanaṁ pati;
Sabbaṁ taṇhaṁ visosetvā,
pallaṅkena upāvisin”ti.

… Mahāpanthako thero …

Aṭṭhakanipāto niṭṭhito.

Tatruddānaṁ

Mahākaccāyano thero,
sirimitto mahāpanthako;
Ete aṭṭhanipātamhi,
gāthāyo catuvīsatīti.

The Minor Discourses

|_【8】 Verses of the Senior Monks

|__H. The Book Of The Eights

|___I. Chapter One

Thag8.3 Mahāpanthakattheragāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]