“Naṅgalehi kasaṁ khettaṁ,
bījāni pavapaṁ chamā;
Puttadārāni posentā,
dhanaṁ vindanti māṇavā.
Kimahaṁ sīlasampannā,
satthusāsanakārikā;
Nibbānaṁ nādhigacchāmi,
akusītā anuddhatā.
Pāde pakkhālayitvāna,
udakesu karomahaṁ;
Pādodakañca disvāna,
thalato ninnamāgataṁ.
Tato cittaṁ samādhesiṁ,
assaṁ bhadraṁvajāniyaṁ;
Tato dīpaṁ gahetvāna,
vihāraṁ pāvisiṁ ahaṁ;
Seyyaṁ olokayitvāna,
mañcakamhi upāvisiṁ.
Tato sūciṁ gahetvāna,
vaṭṭiṁ okassayāmahaṁ;
Padīpasseva nibbānaṁ,
vimokkho ahu cetaso”ti.

… Paṭācārā therī ….

The Minor Discourses

|_【9】 Verses Of The Senior Nuns

|__E. The Book Of The Fives

Thig5.10 Paṭācārātherīgāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]