“Musalāni gahetvāna,
dhaññaṁ koṭṭenti māṇavā;
Puttadārāni posentā,
dhanaṁ vindanti māṇavā.
Karotha buddhasāsanaṁ,
yaṁ katvā nānutappati;
Khippaṁ pādāni dhovitvā,
ekamante nisīdatha;
Cetosamathamanuyuttā,
karotha buddhasāsanaṁ”.
Tassā tā vacanaṁ sutvā,
paṭācārāya sāsanaṁ;
Pāde pakkhālayitvāna,
ekamantaṁ upāvisuṁ;
Cetosamathamanuyuttā,
akaṁsu buddhasāsanaṁ.
Rattiyā purime yāme,
pubbajātimanussaruṁ;
Rattiyā majjhime yāme,
dibbacakkhuṁ visodhayuṁ;
Rattiyā pacchime yāme,
tamokhandhaṁ padālayuṁ.
Uṭṭhāya pāde vandiṁsu,
“katā te anusāsanī;
Indaṁva devā tidasā,
saṅgāme aparājitaṁ;
Purakkhatvā vihassāma,
tevijjāmha anāsavā”ti.

Itthaṁ sudaṁ tiṁsamattā therī bhikkhuniyo paṭācārāya santike aññaṁ byākariṁsūti.

The Minor Discourses

|_【9】 Verses Of The Senior Nuns

|__E. The Book Of The Fives

Thig5.11 Tiṁsamattātherīgāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]