“Puttasokenahaṁ aṭṭā,
khittacittā visaññinī;
Naggā pakiṇṇakesī ca,
tena tena vicārihaṁ.
Vīthi saṅkārakūṭesu,
susāne rathiyāsu ca;
Acariṁ tīṇi vassāni,
khuppipāsāsamappitā.
Athaddasāsiṁ sugataṁ,
nagaraṁ mithilaṁ pati;
Adantānaṁ dametāraṁ,
sambuddhamakutobhayaṁ.
Sacittaṁ paṭiladdhāna,
vanditvāna upāvisiṁ;
So me dhammamadesesi,
anukampāya gotamo.
Tassa dhammaṁ suṇitvāna,
pabbajiṁ anagāriyaṁ;
Yuñjantī satthuvacane,
sacchākāsiṁ padaṁ sivaṁ.
Sabbe sokā samucchinnā,
pahīnā etadantikā;
Pariññātā hi me vatthū,
yato sokāna sambhavo”ti.

… Vāseṭṭhī therī ….

The Minor Discourses

|_【9】 Verses Of The Senior Nuns

|__F. The Book Of The Sixes

Thig6.2 Vāseṭṭhītherīgāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]