“Catukkhattuṁ pañcakkhattuṁ,
vihārā upanikkhamiṁ;
Aladdhā cetaso santiṁ,
citte avasavattinī.
Bhikkhuniṁ upasaṅkamma,
sakkaccaṁ paripucchahaṁ;
Sā me dhammamadesesi,
dhātuāyatanāni ca.
Cattāri ariyasaccāni,
indriyāni balāni ca;
Bojjhaṅgaṭṭhaṅgikaṁ maggaṁ,
uttamatthassa pattiyā.
Tassāhaṁ vacanaṁ sutvā,
karontī anusāsaniṁ;
Rattiyā purime yāme,
pubbajātimanussariṁ.
Rattiyā majjhime yāme,
dibbacakkhuṁ visodhayiṁ;
Rattiyā pacchime yāme,
tamokhandhaṁ padālayiṁ.
Pītisukhena ca kāyaṁ,
Pharitvā vihariṁ tadā;
Sattamiyā pāde pasāresiṁ,
Tamokhandhaṁ padāliyā”ti.

… Vijayā therī ….

Chakkanipāto niṭṭhito.

The Minor Discourses

|_【9】 Verses Of The Senior Nuns

|__F. The Book Of The Sixes

Thig6.8 Vijayātherīgāthā

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]