Evaṁ me sutaṁ—ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. Tena kho pana samayena āyasmā sāriputto bhagavato avidūre nisinno hoti pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamāno.

Addasā kho bhagavā āyasmantaṁ sāriputtaṁ avidūre nisinnaṁ pallaṅkaṁ ābhujitvā ujuṁ kāyaṁ paṇidhāya attano upasamaṁ paccavekkhamānaṁ.

Atha kho bhagavā etamatthaṁ viditvā tāyaṁ velāyaṁ imaṁ udānaṁ udānesi:

“Upasantasantacittassa,
netticchinnassa bhikkhuno;
Vikkhīṇo jātisaṁsāro,
mutto so mārabandhanā”ti.

Dasamaṁ.

Meghiyavaggo catuttho.

Tassuddānaṁ

Meghiyo uddhatā gopālo,
yakkho nāgena pañcamaṁ;
Piṇḍolo sāriputto ca,
sundarī bhavati aṭṭhamaṁ;
Upaseno vaṅgantaputto,
sāriputto ca te dasāti.

The Minor Discourses

|_【3】 Hearfelt Sayings

|__IV. The Chapter with Meghiya

Ud4.10 Sāriputtaupasamasutta

Translations [3]

English

Việt Ngữ

पाळिभासा (Pāli)

Reference

Translations [3]

English

Việt Ngữ

पाळिभासा (Pāli)

Reference

Commentaries [0]