1.198

චුල්ලපන්ථක එතදග්ග සූත්‍රය—“යම් මේ චුල්ලපන්ථක නම් ස්ථවිර නමක් වේද, මනොමය ශරීරයන් උපදවන්නාවූ මාගේ ශ්‍රාවකවූ භික්ෂූන් අතුරෙන් මෙතෙම අග්‍රයි.

1.199

චුල්ලපන්ථක චෙතොවට්ට එතදග්ග සූත්‍රය—“මේ චුල්ලපන්ථක ස්ථවිර තෙම රූපාවචරධ්‍යානලාභීන් අතුරෙන් අග්‍රයි.

1.200

මහාපන්ථක එතදග්ග සූත්‍රය—“මේ මහාපන්ථක ස්ථවිර තෙම අරූපාවචරධ්‍යානලාභීන් අතුරෙන් අග්‍රයි.

1.201

සුභූති එතදග්ග සූත්‍රය—“මේ සුභූති ස්ථවිර තෙම රාගාදි කෙලෙසුන් කෙරෙන් තොරවූ වාසය ඇති භික්ෂූන් අතුරෙන් අග්‍රයි.

1.202

සුභූති දක්ඛිණෙය්‍ය එතදග්ග සූත්‍රය—“මේ සුභූති නම් ස්ථවිර තෙම දක්ෂිණාවට සුදුසු වූවන් අතුරෙන් අග්‍රයි.

1.203

රෙවත ඛදිරවනිය එතදග්ග සූත්‍රය—“මේ කිහිරිවන වාසී රෙවත ස්ථවිර තෙම වනයෙහි වසන භික්ෂූන් අතුරෙන් අග්‍රයි.

1.204

කඩ්ඛාරෙවත එතදග්ග සූත්‍රය—“මේ කඩ්ඛාරෙවත නම් ස්ථවිර තෙම ධ්‍යානයෙහි ඇලී වසන්නාවූ භික්ෂූන් අතුරෙන් අග්‍රයි

1.205

සොණකොලිවීස එතදග්ග සූත්‍රය—“මේ කොලිවීස ගොත්‍ර ඇති සොණ ස්ථවිර තෙම පටන්ගෙණ සම්පූර්ණකරණ ලද වීර්‍ය්‍යය ඇති ශ්‍රාවකයන් අතුරෙන් අග්‍රයි.

1.206

සොණකුටිකණ්ණ එතදග්ග සූතය—“(කෙළක් අගනා කන්පළඳනා ඇති හෙයින්) කුටිකණ්ණයයි කියන ලද සොණ

නම් මේ ස්ථවිර තෙම යහපත් වචන කියන්නාවූ භික්ෂූන් අතුරෙන් අග්‍රයි.

1.207

සීවලි එතදග්ග සූත්‍රය—“මේ සීවලී ස්ථවිර තෙම ප්‍රත්‍යලාභීවූ භික්ෂූන් අතුරෙන් අග්‍රයි.

1.208

වක්කලි එතදග්ග සූත්‍රය—“මේ වක්කලී නම් ස්ථවිර තෙම බලවත් ශ්‍රද්ධා ඇත්තාවූ භික්ෂූන් අතුරෙන් අග්‍රයි.

(දෙවෙනි වර්ගය නිමි)