Millia quoque (verba) si sermo (amplectitur, sed) vanis versibus constat, unus versus sententiosus melior, quo audito sedatur (homo).

Millia quoque (verba) si carmen (amplectitur, sed) vanis versibus constat, unus carminis versus melior, quo audito sedatur (homo).

Quique carmina (vel) centum dicat vanis versibus constantia, unus legis versus melior, quo audito sedatur (homo).

Qui millies mille homines in certamine vincit, et (qui) semet ipsum solum superat, hic certe inter pugnæ victores optimus.

Semet ipsum vincere melius est quam hanc ceteram multitudinem; semet ipsum domantis viri, semper sese cohibentis,

nec deus, nec gandhabbas, nec Máras unacum Brahmane victoriam talis viri cladem facere podest.

Qui singulis mensibus millia sacra facit centum per annos, et (qui) semet ipsum solum tranquillum momentum tantummodo colit, hic ipse cultus melior quam sacrificatio centum per annos.

Et quicunque centum per annos igni ministrat in sylva, et (qui) semet ipsum solum tranquillum momentum tantummodo colit, hic ipse cultus melior quam sacrificatio centum per annos.

Quodcunque vel oblatum vel sacrificatum in (toto) mundo per annum (vulgo) offerat (quis) bona spectans, id cunctum non quartam adæquat partem (animi reverentia pleni); reverentia erga honeste viventes melior.

Reverentia plenam naturam habentis, (virtute) provectiores semper venerantis quatuor qualitates augescunt: ætas, pulchritudo, gaudium, potestas.

Quique centum annos vivit male moratus, non compositus,—vita unius diei melior bene morati, meditabundi.

Quique centum annos vivit insipiens, non compositus,—vita unius diei melior sapientia præditi, meditabundi.

Quique centum annos vivit languidus, viribus destitutus,—vita unius diei melior robur edentis firmum.

Quique centum annos vivit ortum (rerum) et interitum non animadvertens,—vita unius diei melior ortum et interitum animadvertentis.

Quique centum annos vivit viam immortalem non conspiciens,—vita unius diei melior viam immortalem conspicientis.

Quique centum annos vivit summam legem non conspiciens,—vita unius diei melior summam legem conspicientis.